Agbabawi Kayo

Songs for Catholic Liturgy and Worship

Floro Bautista

KORO:
“Agbabawikayo kadagiti basbasolyo ket mamatikayo,
Sumurotkayo iti dalanko,” kuna ti Apo.

1. Saanak a nagtalek kenka. Intangsitko’t bukodko a pigsa
Ket sinangok nga agmaymaysa, ti lubong ken ti awisna. (KORO)

2. Iti kabsatko dika nakita, nagimbubulsek kadagiti masapulda,
Nagintutuleng kadagiti as-asugda, O Jesusko, linisiak ida. (KORO)

3. Insukatka kadagiti didiosen, ragsak, pirak, dayaw a makaititileng
Kinadalus, kinalinteg, innak imbelleng. Kinapudno, di’kon maperreng. (KORO)

4. Marigatannak nga agpakumbaba. Kaykayatko siak latta’t umun-una,
Kasiglatan, ti idaydayawda, pangngaasim, pakawanennak koma. (KORO)